SWYDDOG SEIBERDDIOGELWCH (YSGOLION)

Prif Ddyletswyddau a Chyfrifoldebau

• Datblygu, rheoli a monitro’r rhaglen sicrwydd diogelwch a chydymffurfiaeth TGCh ar gyfer Seiberddiogelwch, sy'n cwmpasu bygythiadau cyfredol ac sy’n esblygu i dechnoleg ar draws y cyngor, yr awdurdod addysg lleol ac ysgolion unigol.
• Cydlynu a dogfennu'n effeithiol y gofynion cydymffurfio Seiberddiogelwch ar gyfer ysgolion, yn ôl y galw ac yn unol â pholisïau sefydliadol, safonau'r cyngor, deddfwriaeth, cydymffurfiaeth a rhwymedigaethau cytundebol, ac arfer gorau'r diwydiant.
• Gweithio'n rhagweithiol gydag uwch swyddogion gan gynnwys y Pennaeth, swyddogion TGCh a Llywodraethu Gwybodaeth, a rhanddeiliaid perthnasol eraill ar draws y sefydliad i sicrhau bod gofynion Seiberddiogelwch yn cael eu diffinio, a’u cadw atynt a bod asesiad blynyddol a phroses sicrwydd yn cael eu cwblhau a'u hadrodd ymlaen.
• Adolygu'n rhagweithiol sicrwydd Seiberddiogelwch ar draws ysgolion Caerdydd, gan ddogfennu ac amlygu unrhyw fylchau neu risgiau a, lle bo'n bosibl, gweithredu gwaith adfer neu argymhellion.
• Ymateb i ddigwyddiadau diogelwch TG gan ymchwilio a dadansoddi, dogfennu digwyddiadau a gwneud argymhellion i sicrhau nad ydynt yn digwydd eto.
• Monitro am dôr-diogelwch, ymosodiadau, ymyraethau neu weithgareddau anarferol eraill gan gynnwys hunaniaeth a rheoli mynediad a chamddefnydd posibl o ganiatâd gan ddefnyddwyr system awdurdodedig.
• Bod yn brif bwynt cyswllt i'r Cyngor mewn perthynas â gofynion sicrwydd a chydymffurfiaeth Seiberddiogelwch i holl ysgolion Caerdydd, cymryd cyfrifoldeb personol i gael y wybodaeth ddiweddaraf am unrhyw newidiadau yn y dirwedd a deddfwriaeth Seiberddiogelwch a sicrhau bod unrhyw ddogfennau, cyngor a chanllawiau yn gyfredol ac yn cynnwys yr holl wybodaeth berthnasol sy'n gysylltiedig â gofynion cyfredol a rhai sy'n dod i'r amlwg.
• Cynnal profion a dadansoddi caledwedd / meddalwedd gan ddefnyddio technegau priodol a gweithdrefnau profi i sicrhau cydymffurfiaeth Seiberddiogelwch o ran atebion technoleg ar draws seilwaith TGCh Ysgolion.
• Profi a gwerthuso cynhyrchion diogelwch a, lle bo angen, dylunio a gweithredu systemau diogelwch newydd neu uwchraddio'r rhai presennol.
• Datrys problemau perfformiad, diffygion, a namau cysylltiedig o ran diogelwch.

• Sicrhau bod rhwydweithiau'n cael eu diogelu rhag maleiswedd a feirysau, gan nodi meysydd a allai fod dan fygythiad a meysydd lle gellir gwella diogelwch, gan sicrhau y meddir ar y wybodaeth ddiweddaraf am seiber-fygythiadau sy'n newid yn barhaus.
• Rhoi cyngor ac arweiniad ar gamau cynllunio prosiectau TGCh i sicrhau bod yr holl ofynion Seiberddiogelwch yn cael eu bodloni.
• Cefnogi gweithgareddau a mentrau gwella gwasanaeth a chyfrannu atynt.
• Cyfrannu at berfformiad, amcanion, targedau a chyflawni safonau ansawdd y Gwasanaeth.
• Cynnal perthnasoedd effeithiol â staff technegol a staff cymorth i sicrhau bod gofynion systemau a gwybodaeth yn cael eu nodi a’u bodloni.
• Datblygu, adolygu a chynnal cynlluniau, polisïau, prosesau a gweithdrefnau’r gwasanaeth.
• Cymryd cyfrifoldeb personol am eich iechyd a’ch diogelwch a hyrwyddo cydymffurfiaeth gan sicrhau amgylchedd gwaith diogel.

• 
  Hanes o ddarparu gwasanaeth rhagorol i gwsmeriaid.
• Profiad o reoli Seiberddiogelwch gan gynnwys atal, monitro a chanfod digwyddiadau, ymosodiadau, ymyraethau a gweithgareddau anarferol, anawdurdodedig neu anghyfreithlon eraill.
• Gwybodaeth a phrofiad o adfer trychinebau a gwaith cynllunio wrth gefn a rheoli digwyddiadau mewn ymateb i achosion o dôr-diogelwch
• Y gallu i adnabod gwendidau posibl mewn gwasanaethau a systemau TGCh a gweithredu mesurau amddiffynnol.
• Profiad o ymchwilio i rybuddion, digwyddiadau neu achosion o dôr-diogelwch a darparu ymatebion, argymhellion a gwaith adfer.
• Gwybodaeth a phrofiad o ddylunio, profi, gosod, cefnogi a chynnal cynhyrchion diogelwch TGCh.
• Hanes o ddarparu gwasanaeth rhagorol i gwsmeriaid.

Dylech wneud cais am y swydd hon gan ddefnyddio ein ffurflen gais ar-lein trwy glicio ar y botwm "Gwneud cais nawr" ar y dudalen hon. Os nad yw’n bosibl i chi wneud cais ar-lein, gallwch ofyn am becyn cais drwy ffonio (029) 20872222 a dyfynnu cyfeirnod y swydd.

Rhan Gwybodaeth Ategol y cais yw’r rhan bwysicaf. Talwch sylw manwl iddi. Dyma lle rydych yn dweud wrthym beth sy'n eich gwneud yn addas ar gyfer y swydd a bydd yn cael ei hasesu yn erbyn y cymwyseddau hanfodol a dymunol yn ein Pecyn Recriwtio ar gyfer y swydd wag hon.

Dylech gyfeirio at bob cymhwysedd yn y Pecyn Recriwtio, gan roi tystiolaeth o’r sgiliau, y profiad a’r wybodaeth sydd gennych ym mhob maes a rhoi enghreifftiau ymarferol. Bydd methu â chwblhau'r adran hon yn lleihau’n fawr y tebygrwydd o gael eich rhoi ar y rhestr fer.

Mae'r holl wybodaeth y mae ei hangen arnoch i wneud cais am y swydd hon wedi'i chynnwys yn y Pecyn Recriwtio hwn a'r Canllaw ar Wneud Cais.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Mae’r swydd hon yn addas i’w rhannu.

Os cewch eich rhoi ar y rhestr fer, fe'ch gwahoddir i gyfweliad ar gyfer y rôl hon a fydd yn cael ei gynnal yn rhithwir gan ddefnyddio platfform ar-lein priodol. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, cysylltwch â Huw David (h.david@caerdydd.gov.uk) i drafod

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan: